Errusia

Errusia hedaduraz munduko estaturik handiena da, eta Europa eta Asia artean hedatzen. Sobietar Batasunaren errepublika nagusia izan zen. Egun estatu boteretsua da mundu mailan, ekonomian nahiz politikan. Mosku da hiriburua eta San Petersburgo bigarren hiririk handiena.

Klima

Errusiar Federazioko klima faktore ugarik baldintzatzen du. Herrialdearen tamaina erraldoiak eta eskualde ugariren itsasoarekiko urruntasunak klima kontinental hezea eta azpiartikoaren nagusitasuna eragiten dute, orokorrena europar eta asiar Errusian, tundran eta hego-ekialde urrunean. Hegoaldeko mendiek Indiako Ozeanoko hego haize beroak galarazten dituzte eta iparraldeko zabaldiek bidea ematen Artikoko eta Atlantikoko haize hotzei.

Flora eta Fauna

Ekialdeko Europako ordokian iparraldetik hegoaldera, Errusiar Ordokia izenez ere ezaguna, klima aldatzen den heinean landaredia ere aldatzen doa: tundra artikoa, konifera basoak ,hosto zabaleko basoak, belardiak eta erdi-basamortua (Kaspiar Itsasoaren ertzean). Siberiak antzeko sekuentzia du, baina gehiengoa taiga da. Errusiak munduko baso erreserba handienak ditu,"Europaren birikak" izenez ezaguna,^[bigarren postuan Amazonas oihan tropikalaren atzetik karbono dioxido xurgatze gaitasunean. Errusia oxigeno kopuru handiak ekoizten ditu, ez bakarrik Europa mailan, baizik eta mundu mailan.